Xitayda 3 kishining qush zukimigha giriptar bolghanliqi éniqlandi

Xitay sehiye ministirliki charshenbe küni 3 kishining qush zukimi késilige giriptar bolghanliqini éniqlidi. Ularning ikkisi xénenlik, biri enxüylik bolup, bu késelge giriptar bolghan 9 yashliq xénenlik bir balining hedisi ötken ayda qush zukimi késilige oxshash alametler bilen ölüp ketken idi. Lékin xitay da'iriliri uning qush zukimi bilen ölgenlikini étirap qilmay keldi.

Shundaqla xitayning shinxu'a agéntliqining bu heqte bergen xewiri nahayiti qisqa bolup, uningda bashqa héchqandaq tepsiliy melumatlar bérilmigen. Nöwette dunya sehiye teshkilatidiki munasiwetlik xadimlar bu qizning ölüm ehwali üstidin tekshürüsh élip barmaqta hemde bu yerdiki bashqa kishilerningmu qush zukimi késilige giriptar bolghan-bolmighanliqini éniqlashqa tirishmaqta.

Buning aldida, qush zukimi késili Uyghur élining poskam we ürümchi nahiyiliridimu bayqalghan bolup, shu sewebtin bu rayonda hazirghiche 320 mingdin oshuq toxu öltürülgen. Lékin Uyghur élide ademlerde qush zukimi wirusning bayqalghanliqi toghrisida xewer bérilmidi. (Peride)