Xitayda yene qush zukimi bayqaldi

Xitay hökümiti 9‏- yanwar küni xitayning xénen ölkiside alte yashtiki bir kichik balida qush zukimi wirusi bayqalghanliqini bildürdi. Bu xitayda qush zukimi késellikige giriptar bolghan 8‏- adem hésablinidu.

Fransiye agéntliqining xewer qilishiche, oyang famililik mezkur bala 24‏- dékabir küni qush zukimi késelliki alametliri körülgenliki üchün doxturxanigha yatquzulghan bolup, nöwette doxturxanida dawalanmaqta.

2005‏- Yilining bashliridin béri xitayning herqaysi ölkiliride 30 qétimdin köprek qush zukimi késelliki bayqalghan bolup, hazirghiche üch kishi bu késellktin öldi.

Xewerlerge qarighanda, qush zukimi késelliki otturigha chiqqandin biri, asiyada 70 din artuq adem mezkur késellik sewebidin ölgen bolup, wéytnam qush zukimi késelliki tüpeylidin ölgen adem sani jehettin dunyada birinchi orunni igileydiken.

Fransiye agéntliqining xewer qilishiche, gerche xitayda qush zukimi wéytnam qatarliq döletlerge sélishturghanda az jan alghan bolsimu, emma déhqanchiliq ishlirining iptida'i shekilde élip bérilishi hemde kishiler bilen haywanlar arisidiki yéqin munasiwet tüpeylidin, xitay yenila bu késellikning asasliq kélip chiqish menbelirining biri hésablinidiken. (Qanat)