Xitayning xunen ölkiside yene qush zukam wirusi bayqaldi

Xitayning xunen ölkisidiki guyyang nahiyiside 6 yashlardiki bir ösmür balining ejellik qush zukam wirusi bilen yuqumlan'ghanliqi bayqaldi. Shinxu'a axbarat agéntliqining xewer qilishiche, ösmür balining késili ötken yili 12 - ayning 24 - küni qozghalghan bolup, balida késel bayqilishtin burun uning a'ilisidiki bezi öy haywanlirining tuyuqsiz ölüsh weqeliri yüz bergen iken.

Junggo yuqumluq késellerni kontrol qilish we aldini élish merkizi, ösmür balining ejellik qush zukam wirusi bilen yuqumlan'ghanliqini ispatlidi. Xitay metbu'atliri, xitay sehiye da'irilirining bimar bala bilen uchrashqan kishilerni közitish astigha alghanliqini bildürmekte.

Birleshme axbarat agéntliqining eskertishiche, eger dunya sehiye teshkilati bimar balining qush zukam wirusida aghrighanliqini mu'ayenleshtürse, bu xitayda ademlerning qush zukam wirusi bilen yuqumlinish weqesining 8 - qétim yüz bérishi bolup hésablinidiken. 2003 -Yildin béri xitay boyiche 3 adem mezkur zukam wirusida yuqumlinip öldi. (Erkin)