Xitayda yene 2 kishi qush zukimi bilen qaza qildi
2006.01.11
Xitayda qaza qilghan ikki kishining qush zukimi bilen qaza qilghanliqi éniqlandi. Shuning bilen ötken yildin bashlap hazirghiche qush zukimi bilen ölgenlerning sani xitayda 5 ke, dunya boyiche 78 ge yetti.
Dunya sehiye teshkilatining melum qilishiche, qush zukimi bilen qaza qilghan bu ikkisining biri gu'angshidiki 10 yashliq bir qiz, yene biri jyangshi ölkisidiki 35 yashliq bir kishi iken. Xitay yéza igilik ministirliqi hazirghiche guyju ölkiside qush zukam késili bayqalghan 42 mingdin oshuq bödünini öltürüp bolghan.
Dunya sehiye teshkilati tor bétide, qush zukimi bilen qaza qilghan kishilerning köp qismining qush zukimi bolghan qushlar bilen biwaste alaqisi bolghan kishiler ikenlikini körsitip, kishilerning buninggha diqqet qilishini agahlandurdi. Chünki bu késel ademlerge yuqqandin kéyin, uning ademler arisida tarqilishi téximu asan bolidiken.
Türkiyidiki qush zukam ehwalimu türkiyining qoshna elliri we yawropadiki döletlerning diqqitini tartqan bolup, türkiye sehiye xadimliri bu munasiwet bilen barliq meschitlergiche teshwiqat waraqlirini tarqitip, kishilerni éhtiyat qilishqa agahlandurdi. (Peride)