Xitayda yene qush zukam wirusi tarqaldi

Yéqinda yene xitayning shenshi ölkiside yéngidin qush zukam wirusi tarqilip, az dégende 200 minggha yéqin öy qushi öltürülgen.

Shinxu'a agéntliqi shenshining yangchüen shehiridiki toxu férmisida taralghan qush zukam ehwalining 7‏-féwralghiche asasiy jehettin kontrol qiliwélin'ghanliqini melum qildi. Xewerde körsitilishiche, bu férmida 2‏- féwral küni 1500 dane toxu ölüp qalghan. Munasiwetlik orunlarning tekshürüsh netijisige asaslan'ghanda, bu toxularda qush zukam wirusi bayqalghan.

Bu xitayda qush zukam wirusining bahar bayrimidin buyan körülgen tunji qétimliq tarqilish ehwali bolup, buning aldida 1‏-ayning 10‏- küni guyju ölkiside bayqalghan idi.

Buning bilen bir waqitta, qush zukam wirusi afriqining nigériye dölitidimu bayqalghan. Bu, qush zukam késilining afriqa qit'eside tunji qétim bayqilishi bolup hésablinidu. Parizhdiki dunya haywanlar sehiye teshkilatining melum qilishiche, nigériye da'iriliri hazir bu qush zukam wirusi bayqalghan toxu férmisini karantin astigha élip dézinfiksiye qilmaqta iken.

2003‏- Yilidin bashlap hazirghiche, qush zukam késili sewebidin sherqiy jenubiy asiya, xitay we türkiyidin bolup 85 kishi bu késel bilen qaza qildi. Mutexessisler bu wirusning ademler arisida tarqilishichan wirus zerrichilirige özgirishidin endishe qilmaqta. (Peride)