Qush zukimi sewebidin yene bir nechche kishi qaza qildi

Royétrs agéntliqi peyshenbe küni négiriyide ikki kishining qush zukimi sewebidin qaza qilghanliqini élan qildi. Charshenbe küni hindonéziye, xitayning fujiyen ölkisi we xongkong qatarliq jaylarda birla waqitta qush zukimi bilen yuqumlan'ghan bir qanche kishining hayatidin ayrilghanliqi xewer qilin'ghan idi.

Xitay sehiye ministirliqi, bu yil xitayda 11 kishining qush zukimi bilen yuqumlan'ghanliqini, hindonéziyining sehiye xadimimu hazirgha qeder 24 ademning H5N1 dep atilidighan, mezkür qush zukimi wirusi bilen yuqumlinip, buning ichide 7 ademning dawalash ünüm bermey qaza qilghanliqini ashkarilidi.

Bu arida yene, afriqida 40 ming öy qushining, qush zukimi wirusi bilen ölgenliki bildürülmekte.

2003 ‏- Yilidin buyan qush zukimi, sherqiy jenubiy asiya, xitay we türkiye qatarliq jaylarda 88 ademning ölümini keltürüp chiqardi. (Eqide)