Ningsha rayonida jan'gha zamin qush zukumi wirusi bayqaldi

Xitay da'iriliri 3 ‏- iyul küni, xitayning gherbidiki ningsha rayonida qush zukumi wirusi bayqalghanliqini bildürdi. Bu arida xitay déhqanchiliq ministirliqi, mutexesislerdin terkip tapqan bir guruppini wirus bayqalghan rayon'gha ewetip, wirus tarqilip kétishining aldini élish xizmiti ishlesh üchün orunlashturghanliqini tekitlidi.

Xitay organ metbu'atliridin shinxu'a agéntliqining xewer qilishiche, dölet qush zukumi tejirbixanisi 29 ‏- iyun küni ningshada qush zukumi dep guman qilghan qushni tejirbe qilip, uningda H5 N1 tipliq wirus bayqighanliqini jezimleshtürgen.

Ötken bir yil ichide xitayning 10 nechche ölkiside uchar qush we öy qushlirida qush zukumi wirusi bayqilip, 12 ademning ölimini meydan'gha keltürgen idi.

Bulardin sirt yene 6 ‏- ayning 15 ‏- küni, shénjén shehiridiki 31 yashliq bir er kishide H5N1 wirusi bayqalghan.

Xitay dixanchiliq ministirliqining bildürishiche, nöwette ningsha aptonum rayoni uqturush chiqirip, jiddi tedbir we konturul qilish xizmetlirini bashliwetken.

Dunya sehiye teshkilati, 2003 ‏- yili meydan'gha kelgen qush zukumi sewebidin, dunya boyiche 130 adem hayatidin ayrilghanliqini gerche köpligen bimarlar késellikni haywanlardin yuqturwalghan bolsimu, amma mütexesislerning qarishiche h5n1 wirusini noqul haywanlardila peyda bolidu dep qarashqa bolmaydighanqli'ini bildürmekte.

Dunya sehiye teshkilatining 200 qétimliq dilo üstidin hazirlighan doklatigha asaslan'ghanda, 2003 ‏- yilidin béri hazirgha qeder mezkür wirus, insanlarda 3 qétim bayqalghan yeni qish we bahar peslide eng yuqiri pellige chiqqan. (Qanat)