Fujyendiki bir déhqandin qush zukimi bayqaldi

Xitayning fujyen ölkisining jenjéng dégen mehelliside bir déhqan H5N1 tiptiki qush zukumi yalluqigha giriptar bolghan bolup, bu xitayda bu yil kirgendin béri tunji qétim bayqalghan qush zukumi hésablinidu.

Xitay sehiye teshkilati peyshenbe küni késel bayqalghan bimarning heqiqeten qush zukumi bilen yuqumlan'ghanliqini resmiyleshtürgen, shuning bilen birge jen jéng mehellisidiki öy qushliri bazarini taqiwetken.

Shixu'a agénliqining bildürishiche, qush zukimi bayqalghan li famililik ayalning qizitmisi örlep, qattiq yötelgendin kéyin uning qush zukumi bilen yuqumlan'ghanliqi ashkarlan'ghan we uning öy qushliri bilen hepileshkenliki sewebidin bu késelge giriptar bolghanliqi otturigha chiqqan.

Gerche bu ayal doxturxanida dawaliniwatqan bolsimu, emma uning késellik ehwali intayin éghir iken.

Xitay axbarat wastilirining xewer qilishiche, ötken töt yildin béri xitayda 14 adem qush zukimi sewebi bilen qaza qilghan.

Jénjéng rayonidiki bir xadimi nöwette, qush zukumi wirusining tarqilip kétishining aldini élish üchün chare tedbirlerning ishqa séliniwatqanliqini hemde dunya sehiye teshkilatigha ehwalni melum qilghanliqini bildürgen.

Fujyen ölkisining toxuni asas qilghan öy - qushliri, bu rayonning xitay aqqunliri teripidin birlikte xitayning bashqa ölke we sheherlirigimu élip kélin'gen bolup, bu ehwal Uyghur élinimu öz ichige alidiken. (Eqide)