خىتايدا يەنە قۇش زۇكىمى بايقالدى


2007.05.26
Share on WhatsApp
Share on WhatsApp

شەنبە كۈنى خىتاي سەھىيە مىنستىرلىقى، خىتايدا يەنە بىر كىشىدە قۇش زۇكىمى بايقالغانلىقىنى بىلدۈردى. خىتاي سەھىيە مىنسىتىرلىقىنىڭ بىلدۈرۈشىچە، چېڭ فامىلىلىك 19 ياشتىكى خىتاي ئازابلىق ئارمىيىسىنىڭ بىر ئەسكىرىدە قۇش زۇكىمى بايقالغان بولۇپ، نۆۋەتتە ئۇ بىر ئارمىيە دوختۇرخانىسىدا داۋالانماقتا ئىكەن.

لېكىن، خىتاي سەھىيە مىنستىرلىقىنىڭ باياناتچىسى، قۇش زۇكىمى بىلەن يۇقۇملانغان چېڭنىڭ خىتاينىڭ قايسى رايونىدا داۋالىنىۋاتقانلىقى ۋە قانداق قىلىپ قۇش زۇكىمى ۋىرۇسى بىلەن يۇقۇملانغانلىقى ھەققىدە مەلۇمات بېرىشنى رەت قىلغان.

شىنخۇا ئاگېنتلىقىنىڭ خەۋەر قىلىشىچە،9‏- ماي كۈنى چېڭدا كېسەللىك ئالامەتلىرى كۆرۈلگەن بولۇپ، 14‏- ماي كۈنى خىتاي ئازاتلىق ئارمىيە دوختۇرخانىسىغا ئەۋەتىلگەن.

خىتاي سەھىيە مىنستىرلىقىنىڭ بۇ ھەقتىكى باياناتىدا ئېيتىلىشىچە، خىتاي رەھبەرلىرى بۇ ۋەقەدىن قاتتىق ئەندىشىلەنگەن بولۇپ، يەرلىك سەھىيە دائىرىلىرىگە چېڭ بىلەن مۇناسىۋەتتە بولغان كىشىلەرنى يېقىندىن كۆزىتىش ئۈچۈن ئازاتلىق ئارمىيە بىلەن ھەمكارلىشىش توغرىسىدا بۇيرۇق چۈشۈرگەن.(ئۆمەر قانات)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت