Хитайда йәнә қуш зукими байқалди


2007.05.26

Шәнбә күни хитай сәһийә минстирлиқи, хитайда йәнә бир кишидә қуш зукими байқалғанлиқини билдүрди. Хитай сәһийә минситирлиқиниң билдүрүшичә, чең фамилилик 19 яштики хитай азаблиқ армийисиниң бир әскиридә қуш зукими байқалған болуп, нөвәттә у бир армийә дохтурханисида даваланмақта икән.

Лекин, хитай сәһийә минстирлиқиниң баянатчиси, қуш зукими билән юқумланған чеңниң хитайниң қайси районида давалиниватқанлиқи вә қандақ қилип қуш зукими вируси билән юқумланғанлиқи һәққидә мәлумат беришни рәт қилған.

Шинхуа агентлиқиниң хәвәр қилишичә,9‏- май күни чеңда кесәллик аламәтлири көрүлгән болуп, 14‏- май күни хитай азатлиқ армийә дохтурханисиға әвәтилгән.

Хитай сәһийә минстирлиқиниң бу һәқтики баянатида ейтилишичә, хитай рәһбәрлири бу вәқәдин қаттиқ әндишиләнгән болуп, йәрлик сәһийә даирилиригә чең билән мунасивәттә болған кишиләрни йеқиндин көзитиш үчүн азатлиқ армийә билән һәмкарлишиш тоғрисида буйруқ чүшүргән.(Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.