Dunya sehiye teshkilati: qush zukimi xitayda yenila mewjut


2007.05.28

Qush zukumigha a'it eng yéngi melumatqa qarighanda, qush zukimi xitayning bir eskiride bayqalghan bolup, dunya sehiye teshkilatining düshenbe küni béyjingda bildürüshiche, qush zukumi xitayda yenila bir ammiwi saghlamliqqa tehdit salidighan wirus süpitide mewjut bolup turmaqta iken.

Shenbe küni xitay sehiye ministirliqi, qizish we yötel alametliri bilen 14- may yataqqa élin'ghan 19 yashliq bir xitay eskirining H5N1 tipliq qush zukumi wirusi bilen yuqumlan'ghanliqini ashkarilighan.

Emma ular mezkur eskerning qandaq yosunda yuqumlan'ghanliqini éytishni ret qilghan. Dunya sehiye teshkilatining éytishiche, ular hazir xitayni bu heqte téximu ilgirligen halda jawab bérishke qistimaqta iken.

Dunya sehiye teshkilatining béyjing ishxanisining bayanatchisi jo'anna brent: "yalghuz bir qush zukimi bimari jiddiy étibar qozghiyalmisimu, lékin bu ehwal qush zukimining xitayda yenila aylinip yürüp ammiwi salametlikke tehdit süpitide mewjut bolup turuwatqanliqidin dérek béridu" dédi.

Uning qeyt qilishiche yene, qush zukimi bilen yuqumlan'ghan xitay esker fujiyende wezipe ötewatqan bolup, hazir xitay sehiye tarmaqliri bu esker bilen alaqidar kishilerni tibbiy közitish astigha alghan.

Bu yil xitayda bayqalghan bashqa ikki neper qush zukimi bimari fujiyenlik bir déhqan, yene biri , bu yil martta ölüp ketken enxuyliq 16 yashliq bala idi.(Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.