گۇاڭجۇدا تارقالغان قۇش زۇكىمى خىتاينى چۆچۈتمەكتە


2008-03-17
Share

خوڭكوڭ سەھىيە ئىدارىسىنىڭ بىلدۈرۈشىچە، خىتاي ئەمەلدارلىرى ھازىر خىتاينىڭ گۇاڭجۇ شەھىرىدە قۇش زۇكىمىنىڭ بازاردىكى ئۆي قۇشلىرىنىڭ ئۆلۈشىنى كەلتۈرۈپ چىقارغانلىقىنى مۇقىملاشتۇرغان.

بىرلەشمە ئاگېنتلىقىنىڭ نەقىل ئېلىپ كۆرسىتىشىچە، خوڭكوڭ سەھىيە ئىدارىسى ئالدىنقى كۈنى ئېلان قىلغان باياناتىدا گۇاڭجۇ شەھىرىدە ئۆلگەن قۇشلاردا قۇش زۇكىمى ۋىرۇسى بايقالغان بولۇپ، بۇ خىتايدا بۇ يىل 5 - قېتىم بۇ خىلدىكى قۇش زۇكىمى ۋىرۇسى تارقىلىشى بولۇپ ھېسابلىنىدۇ.

خىتاي يېزا ئىگىلىك مىنىستىرلىكىنىڭ تور بېتىدە كۆرسىتىلىشىچە، بۇ ھەپتە گۇاڭجۇ شەھىرىدە كۆرۈلگەن قوش زۇكىمى تارقىلىش ھادىسىسىدە 114 دانە قۇش ئۆلگەن بولۇپ، نەتىجىدە خادىملار يۇقۇملانغان 518 دانە قۇشنى ئۆزى ئۆلتۈرۈۋەتكەن.

مەلۇم بولۇشىچە، مەزكۇر زۇكام 2003 - يىلى ئاسىيا قۇش بازىرىدا بايقالغاندىن بۇيان ھازىرغا قەدەر 20 ئادەم بۇ ۋىرۇستا يۇقۇملىنىپ ئۆلگەن بولۇپ، ھازىرچە خىتايدا قۇش زۇكىمى بىلەن ئۆلگەن ئادەم سانى ئۈچكە يېتىدۇ.

ئىككى ئۆسمۈرنىڭ يۇقۇملۇق زۇكام ۋىرۇسىدا ئۆلگەنلىكى خەۋەر قىلىنغاندىن كېيىن، خوڭكوڭ سەھىيە ئىدارىسى باشلىقى جۇ يىيۆ بۇيرۇق چۈشۈرۈپ خوڭكوڭدا بارلىق يەسلى ۋە باشلانغۇچ مەكتەپلەرنىڭ ئىككى ھەپتە تاقىلىدىغانلىقىنى ئۇقتۇرغان ئىدى. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت