Гуаңҗуда тарқалған қуш зукими хитайни чөчүтмәктә


2008-03-17
Share

Хоңкоң сәһийә идарисиниң билдүрүшичә, хитай әмәлдарлири һазир хитайниң гуаңҗу шәһиридә қуш зукиминиң базардики өй қушлириниң өлүшини кәлтүрүп чиқарғанлиқини муқимлаштурған.

Бирләшмә агентлиқиниң нәқил елип көрситишичә, хоңкоң сәһийә идариси алдинқи күни елан қилған баянатида гуаңҗу шәһиридә өлгән қушларда қуш зукими вируси байқалған болуп, бу хитайда бу йил 5 - қетим бу хилдики қуш зукими вируси тарқилиши болуп һесаблиниду.

Хитай йеза игилик министирликиниң тор бетидә көрситилишичә, бу һәптә гуаңҗу шәһиридә көрүлгән қош зукими тарқилиш һадисисидә 114 данә қуш өлгән болуп, нәтиҗидә хадимлар юқумланған 518 данә қушни өзи өлтүрүвәткән.

Мәлум болушичә, мәзкур зукам 2003 - йили асия қуш базирида байқалғандин буян һазирға қәдәр 20 адәм бу вируста юқумлинип өлгән болуп, һазирчә хитайда қуш зукими билән өлгән адәм сани үчкә йетиду.

Икки өсмүрниң юқумлуқ зукам вирусида өлгәнлики хәвәр қилинғандин кейин, хоңкоң сәһийә идариси башлиқи җу йийө буйруқ чүшүрүп хоңкоңда барлиқ йәсли вә башланғуч мәктәпләрниң икки һәптә тақилидиғанлиқини уқтурған иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт