Rabiye qadir xanim gérmaniye we shiwitsiye döletliridiki pa'aliyetlirini ayaghlashturup amérikigha qaytip keldi


2007-06-23
Share

Uyghur milliy herikitining rehbiri dunya Uyghur qurultiyining re'isi rabiye qadir xanim , gérmaniye we shiwitsiye döletliride élip barghan pa'aliyetlirini ayaghlashturup, shenbe küni amérikining paytexti washin'gton qaytip keldi.

Rabiye qadir xanim , gérmaniyilik ataqliq yazghuchi alikzandiriya kawélus xanimning uzun waqit japaliq ejri bedilige wujudqa kelgen , rabiye qadir xanimning hayat kechürmishliri bayan qilin'ghan bi'ografiyilik romanning neshirdin chiqish munasiwiti bilen 6 ‏- ayning 18 ‏- küni gérmaniyining bérlin shehirige yétip barghan idi.

Rabiye qadir xanim , gérmaniyining muynxin we bérlin sheherliride kitap tonushturush , muxbirlarni kütiwélish shuningdek mushtirilargha imza qoyup bérish murasimlirigha qatnashqandin sirt, xelq'ara kechürüm teshkilati we gérmaniye yéshillar partiyisining mes'ulliri bilen körüshti.

Mezkur teshkilatlarning mes'ulliri birdek, xitay hökümitining 11 ‏- séntebir weqesidin paydilinip, ténch yosunda pa'aliyet élip bériwatqan Uyghurlarni qarilawatqanliqini tekitlesh bilen birge, rabiye qadir xanimning Uyghurlarning kishilik hoquqini qolgha keltürüp yolida élip bériwatqan ish ‏- izlirigha yuqiri baha berdi.

Kitapning neshir qilinishi munasiwiti bilen élip bérilghan muxbirlarni kütiwélish yighinlirigha, gérmaniyidiki eng chong gézit zhornallarning muxbirliridin bolup, 50 tin artuq muxbir qatnashti we rabiye qadir xanimni mexsus ziyaret qildi. Rabiye qadir xanim muxbirlargha bu kitapning yalghuz özining shexsi kechürmishliri bolupla qalmastin, bir milletning , bir wetenning échinishliq sergüzeshtiliri ikenlikini bildürdi.

Rabiye qadir xanim yene, shiwitsiyining paytexti brin shehiride kitap heqqide uyushturulghan murasimlarghimu qatnashti. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet