Teywen xitay hökümitining söhbet teklipini ret qildi


2005-05-13
Share

Teywen béyjing da'irilirining söhbet ötküzüsh teklipini ret qilip, teywen xitayning " bir jonggo" prinsipi astida söhbet élip bérish shertini qobul qilmaydu, dep körsetti. Xitay hökümiti söhbet ötküzüsh teklipini teywendiki ikki öktichiler partiyisining rehbiri lyen jen bilen song chuyüning xitay chong quruluqidiki ziyaritidin kéyinla otturigha qoyghan.

Teybéy hökümiti jüme künki bayanatida, ikki terep munasiwitini teywendiki öktichi partiyiler arqiliq bir terep qilishqa urunush bilen tenqidligen. Teywen terepning bayanatida mundaq déyilgen: " ikki qirghaqqa munasiwetlik mesililerni ayrim siyasi shexsler arqiliq emes, belki resmi qanallar bilen muzakire qilish kérek."

Xitay hökümiti yéqinqi ikki heptidin béri teywendiki öktichi partiyiler bilen munaswitini kücheytti. Peyshenbe küni xu jintaw teywen xelqperwerler partiyining re'isi song chuyü bilen körüshüp, "ikki qirghaq bir jonggo" prinsipini ikki terep munasiwitining söhbet asasi qilishni qobul qildi.

Chén shüybyen, peyshenbe küni téléwiziye ziyaritini qobul qilip, béyjing terepning söhbet ötküzüsh teklipige inkar qilish pozitsiyisi tutqan. U, " xitaylar bir jonggo prinsipini, 92 - yildiki ortaq tonushni étirap qilishimizni telep qiliwatidu. Bu ehwalda bizning u yerge bérishimizning néme hajiti," dep körsetti. Song chuyüning xitaydiki ziyariti jüme küni axirlashqan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet