Хитайдики балиларниң% 20 дә роһи чүшкүнлүк кесили бар


2004-08-11
Share

Нөвәттә ечиливатқан 28 - нөвәтлик хәлқара психологийә қурултийида, мутәхәссисләр хитайдики балиларниң % 20 дә роһи чүшкүнлүк әһвали барлиқини оттуриға қойған.

Ройтерис ахбарат агентлиқиниң чаршәнбә күни бәргән хәвиригә қариғанда, мәзкур йиғинға қатнашқан австралийә мәркизи куйнзләнд университети доктори ваң вей, һазир хитайда бәш балиниң биридә роһи чүшкүнлүк әһвали барлиқини, һәмдә буни асаслиқи ата-аниларниң балиларға юқири тәләп қоюши вә мәктәпниң бесими кәлтүрүп чиқириватқанлиқини билдүргән.

Хәлқара психологийә қурултийида йәнә, хитайдики балиларниң % 20 дә роһи чүшкүнлүк аламити көрүлгән болса, % 4 балиларниң рәсмий йосундики психологийилик теббий давалинишқа еһтияҗлиқ болған еғир роһи чүшкүнлүк кесилигә гириптар болғанлиқи көрситилгән.

Хәвәрдә йәнә, хитайниң -80 йилларда елип барған пиланлиқ туғут сияситиниң, ата-аниларниң балилилириға болған тәлипини ашуруп, ялғуз балиларниң бесимини техиму еғирлитивәткәнликини илгири сүргән.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт