Xitaydiki balilarning% 20 de rohi chüshkünlük késili bar
2004.08.11
Nöwette échiliwatqan 28 - nöwetlik xelq'ara psixologiye qurultiyida, mutexessisler xitaydiki balilarning % 20 de rohi chüshkünlük ehwali barliqini otturigha qoyghan.
Roytéris axbarat agéntliqining charshenbe küni bergen xewirige qarighanda, mezkur yighin'gha qatnashqan awstraliye merkizi kuynzlend uniwérsitéti doktori wang wéy, hazir xitayda besh balining biride rohi chüshkünlük ehwali barliqini, hemde buni asasliqi ata-anilarning balilargha yuqiri telep qoyushi we mektepning bésimi keltürüp chiqiriwatqanliqini bildürgen.
Xelq'ara psixologiye qurultiyida yene, xitaydiki balilarning % 20 de rohi chüshkünlük alamiti körülgen bolsa, % 4 balilarning resmiy yosundiki psixologiyilik tébbiy dawalinishqa éhtiyajliq bolghan éghir rohi chüshkünlük késilige giriptar bolghanliqi körsitilgen.
Xewerde yene, xitayning -80 yillarda élip barghan pilanliq tughut siyasitining, ata-anilarning balililirigha bolghan telipini ashurup, yalghuz balilarning bésimini téximu éghirlitiwetkenlikini ilgiri sürgen.(Peride)