Xitayda saqchilargha hujum qilish weqeliri köpeymekte

Xitay jama'et xewpsizlik ministirliqining charshenbe küni béldürishiche, bu yilning aldinqi yérimida, saqchilarning qanun ijra qilish herikiti jeryanida her xil zorawanliq weqeler yüz bérip, 23 neper saqchi ölgen. 1800 Saqchi yarilan'ghan.

Jama'et xewpsizlik ministirliqining bayanatchisi, saqchilargha hujum qilish weqelirining barghansiri köpiyiwatqanliqini körsetken.

En'giliye b b s radi'o - téléwiziyisining mutexessislerning sözini neqil keltürüshiche, saqchilargha hujum qilish weqelirining köpiyishide köp xil sewebler bar. Ularning qarishiche, xelq we hökümet arisida, chériklik, yer zéminni mejburiy tartiwélish qatarliq mesililerde sürkilish barghansiri kücheygen. Xitay iqtisadining téz tereqqiy qilishi, bay- kembeghellik perqini téximu zoraytqan, déhqanlarning yükini éghirlashturghan.

Buning tipik bir misali, jéjiyang ölkisining xu'ashi kentidiki puqralar bu yil 4 - ayda bir ximiyilik zawutning hawani bulghishigha qarshi namayish ötküzüsh jeryanida, saqchilar bilen toqunushup, 100 neper saqchi we hökümet emeldarlirini yarilandurghan. (Arzu)