Хитайниң җәнубий өлкилиридә юқумлуқ кесәлләрниң алдини елиш күчәйтилди


2005-01-24
Share

Шәрқий җәнубий асияда қуш зукими вироси қайтидин тарқилип, 41 адәмниң өлишини кәлтүрүп чиқарғандин кийин, хитайниң җәнубидики бир қисим өлкиләр сарс вә қуш зукими қатарлиқ юқумлуқ кисәлләрдин мудапиә көрүш тәдбирлирини күчәйткән.

Франсийә ахбарат агентлиқиниң хәвиригә қариғанда, гуаңдуң өлкисидики сәһийә даирилири, гуаңдуңдики һәр қайси дохтурханиларда мәхсус қизитма кесәллири бөлимини тәсис қилған һәмдә сарс вә қуш зукими аламәтлири көрүлгән бимарларни дәрһал айрип, 12 саәт ичидә мутәхәссисләрниң диягноз қуюшиға апиришни тәләп қилған. Буниңдин сирт, улар йәнә сарс вә қуш зукими асан тарқилидиған қозан вә өй қушлирини күзитишкә башлиған.

Гуаңдуңдики сәһийә хадимлири навада бу йил сарс кесили қайта тарқалса, өзлириниң йитәрлик тәйярлиқ көргәнликини билдүргән. Алдинқи йили қишта гуаңдуңдин тарқалған сарс кесили сәвәбидин дуняда 800 дәк адәм өлүп, сәккиз миңдин көп адәм ағриған иди. Йеқиндин боян тайланд вә вейнамда қуш зукиминиң қайтидин тарқилиши билән дуня сәһийә тәшкилати қуш зукиминиң кәң көләмдә тарқилип, дуня миқясида йәттә милйон кишиниң өлишини кәлтүрүп чиқириши мумкинлики һәққидә агаһландурди.

Хитайниң җәнубийдики өлкиләр юқумлуқ кисәлләрдин мудапиә көрүш тәдбирлирини күчәйткән билән, уйғур елиниң бу һәқтә тәдбир алғанлиқи һәққидә техи һечқандақ хәвәр берилмиди.(Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт