Хитайда ишләпчиқирилған сүпәтсиз малларниң әпти - бәшириси тохтимастин ашкариланмақта


2007-08-23
Share

Америка даирилири чаршәнбә күни , хитайда ясалған 300 миңдин артуқ балилар оюнчуқи вә балиларға аит буюмларниң йиғивелинидиғанлиқини елан қилди.

Ройетрс агентлиқи пәйшәнбә күни австралийә билән йеңи зенландийиниңму хитайда ишләнгән юң әдиялларни йиғивалғанлиқи , буниң сәвәбиниң әдиялларда адәм бәдинигә зиянлиқ бир хил зәһәрлик мадда байқалғанлиқини билдүргән.

явропа иттипақиниң сода ишлириға мәсул хадими, мандарсин хитайға алаһидә агаһландуруш берип, "хитай маллирида йүз бериватқан мәсилиләр ялғуз, сода мәсилиси болупла қалмай, бәлки истемалчиларниң саламәтликигә бивастә мунасивәтлик муһим мәсилә һесаблиниду, шуңа хитай алди билән содидики бихәтәрликни әслигә кәлтүрүши керәк " деди.

Хитайда явропа карханилири хитай маллирида зәһәрлик мадда байқалди дегән баһанә арқилиқ сиясий муддиасини ишқа ашурмақчи дегәнгә охшаш сөзләр тарқалған болуп, мандерсин буниңға рәддийә берип , бу хил қарашларниң пүтүнләй хата икәнликини, әмма явропа иттипақиға әза барлиқ дөләтләрниң хитай маллирини импорт қилишта һошярлиқни ашурушни тәләп қилди.

Бу арида йәнә, хитай ахбарат вастилири, сақчи даирилириниң бейҗиңда қанунсиз иш елип бериватқан чока завутини паш қилип, йерим милйонға йеқин бамбуктин ясалған дизинфиксийисиз чокини мусадирә қилғанлиқини ашкарилиди. Хәвәрләргә қариғанда, бейҗиңдики бир йәр асти чока завутидила күнигә 500 миң кишилик өлчәмсиз чока сетилидикән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт