Xitayda ishlepchiqirilghan süpetsiz mallarning epti - beshirisi toxtimastin ashkarilanmaqta


2007-08-23
Share

Amérika da'iriliri charshenbe küni , xitayda yasalghan 300 mingdin artuq balilar oyunchuqi we balilargha a'it buyumlarning yighiwélinidighanliqini élan qildi.

Royétrs agéntliqi peyshenbe küni awstraliye bilen yéngi zénlandiyiningmu xitayda ishlen'gen yung ediyallarni yighiwalghanliqi , buning sewebining ediyallarda adem bedinige ziyanliq bir xil zeherlik madda bayqalghanliqini bildürgen.

Yawropa ittipaqining soda ishlirigha mes'ul xadimi, mandarsin xitaygha alahide agahlandurush bérip, "xitay mallirida yüz bériwatqan mesililer yalghuz, soda mesilisi bolupla qalmay, belki istémalchilarning salametlikige biwaste munasiwetlik muhim mesile hésablinidu, shunga xitay aldi bilen sodidiki bixeterlikni eslige keltürüshi kérek " dédi.

Xitayda yawropa karxaniliri xitay mallirida zeherlik madda bayqaldi dégen bahane arqiliq siyasiy muddi'asini ishqa ashurmaqchi dégen'ge oxshash sözler tarqalghan bolup, mandérsin buninggha reddiye bérip , bu xil qarashlarning pütünley xata ikenlikini, emma yawropa ittipaqigha eza barliq döletlerning xitay mallirini import qilishta hoshyarliqni ashurushni telep qildi.

Bu arida yene, xitay axbarat wastiliri, saqchi da'irilirining béyjingda qanunsiz ish élip bériwatqan choka zawutini pash qilip, yérim milyon'gha yéqin bambuktin yasalghan dizinfiksiyisiz chokini musadire qilghanliqini ashkarilidi. Xewerlerge qarighanda, béyjingdiki bir yer asti choka zawutidila künige 500 ming kishilik ölchemsiz choka sétilidiken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet