Хитай һөкүмити, хитайниң сүпәтсиз таварлириға қарши қозғалған долқундин әндишә қилмақта


2007-08-25
Share

Дуняда хитайниң адәм саламәтликигә зиянлиқ таварлириға қарши қозғалған долқун, хитай һөкүмитини әндишиләндүрмәктә. Филипинниң пайтәхти манила шәһиридә ечилған, шәрқий асия дөләтлири бирләшмисигә әза дөләтләрниң сода минстирлириниң йеғинға қатнишиватқан, хитай сода минстири бо шилай, шәнбә күни, хитайниң сода шириклирини хитай мәһсулатлириниң сүпити тоғрисида оттуриға чиққан мәсилиләрдин, содида хитайға қарши қоғдиғучи сиясәтләрни тәрғиб қилиш үчүн пайдиланмаслиқ һәққидә, агаһландурди.

У мухбирларға бәргән баянатида, "мәһсулатларниң сүпити мәсилсии хәлқаралиқ бир мәсилә болуп, һәрқандақ дөләт бу мәсилигә дуч келиши мумкин. Биз дөләтләрниң бу мәсилини мубалиғиләштүрүп, содида қоғдиғучи тәдбирлири елишиға қарши" деди

Хитай сода минстири йеғинда қилған сөзидә, хитайниң һелиму тәрәққий қиливатқан бир дөләт икәнликини тәкитлигән һәмдә хитайниң експорт мәһсулатлириниң сүпитини тәкшүрүш мәсилисидиму бир тәрәққият җәрянини бешидин өткүзүватқанлиқини әскәртиш арқилиқ, хитай мәһсулатлириниң сүпәт мәсилиниң җиддий бир мәсилә икәнликини итрап қилған. У , башқа дөләтләрдин хитайниң бу вәзийитини тоғра чүшүнүшини тәләп қилған.

Америка ширкәтлири зәһәрлик мадда байқалған хитай оюнчуқлирини йиғивелиш чақириқи чиқарғандин кейин, җүмә күни яврупа иттипақи, әгәр бейҗиң һөкүмити, хитай таварлириниң бихәтәрлики һәққидә җиддий тәдбир қолланмиса, адәм саламәтликигә зиянлиқ дәп қаралған хитай оюнчуқлириға қарши тәдбир алидиғанлиқини җакарлиди. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт