Xitay hökümiti, xitayning süpetsiz tawarlirigha qarshi qozghalghan dolqundin endishe qilmaqta


2007-08-25
Share

Dunyada xitayning adem salametlikige ziyanliq tawarlirigha qarshi qozghalghan dolqun, xitay hökümitini endishilendürmekte. Filipinning paytexti manila shehiride échilghan, sherqiy asiya döletliri birleshmisige eza döletlerning soda minstirlirining yéghin'gha qatnishiwatqan, xitay soda minstiri bo shilay, shenbe küni, xitayning soda shiriklirini xitay mehsulatlirining süpiti toghrisida otturigha chiqqan mesililerdin, sodida xitaygha qarshi qoghdighuchi siyasetlerni terghib qilish üchün paydilanmasliq heqqide, agahlandurdi.

U muxbirlargha bergen bayanatida, "mehsulatlarning süpiti mesilsi'i xelq'araliq bir mesile bolup, herqandaq dölet bu mesilige duch kélishi mumkin. Biz döletlerning bu mesilini mubalighileshtürüp, sodida qoghdighuchi tedbirliri élishigha qarshi" dédi

Xitay soda minstiri yéghinda qilghan sözide, xitayning hélimu tereqqiy qiliwatqan bir dölet ikenlikini tekitligen hemde xitayning éksport mehsulatlirining süpitini tekshürüsh mesilisidimu bir tereqqiyat jeryanini béshidin ötküzüwatqanliqini eskertish arqiliq, xitay mehsulatlirining süpet mesilining jiddiy bir mesile ikenlikini itrap qilghan. U , bashqa döletlerdin xitayning bu weziyitini toghra chüshünüshini telep qilghan.

Amérika shirketliri zeherlik madda bayqalghan xitay oyunchuqlirini yighiwélish chaqiriqi chiqarghandin kéyin, jüme küni yawrupa ittipaqi, eger béyjing hökümiti, xitay tawarlirining bixeterliki heqqide jiddiy tedbir qollanmisa, adem salametlikige ziyanliq dep qaralghan xitay oyunchuqlirigha qarshi tedbir alidighanliqini jakarlidi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet