Хитай саяһәтчилириниң начар адәтлири, хитайниң абройиға сәлбий тәсир йәткүзмәктә


2006.09.25

Хитай дөләтлик саяһәт идариси, хитай саяһәтчилириниң түкүрүш, һаҗәтханиға киргәндин кейин су чүшүрмәслик қатарлиқ адәтлириниң, хитайниң чәтәлләрдики абройиға сәлбий тәсир йәткүзүватқанлиқини билдүрди.

Хитай саяһәт идариси хадимлириниң билдүрүшичә, бу йил авғуст ейида хитай саяһәтчилири һәққидә елип берилған бир рай синашта, түкүрүш, тамака чекиш чәкләнгән йәрләрдә тамаш чекиш, әснигәндә ағзини қоли билән тосимаслиқ, меһманханиларда йерим ялиңач меңип йүрүш вә һаҗәтханиға киргәндин кейин су чүшүрмәслик қатарлиқ адәтләр хитай саяһәтчилириниң чәтәлликләрни әң көп йиргәндүридиған адәтлири дәп көрситилгән.

Хәвәрләргә қариғанда, болупму кәлсә -кәлмәс йәргә түкүрүш бәзи дөләтләрдә хитай саяһәтчилиригә қарши сәлбий қараш пәйда болушиға сәвәб болған әң муһим амил икән. Бу мәсилә, хитай компартийиси мәнивий мәдәнийәт даимий комитетини, чәтәлләрдә қилмаслиққа тегишлик ишлар тоғрисида бир бәлгилимә чиқирип, чәтәлгә саяһәткә чиқидиған хитай саяһәтчилиригә айропилан белити билән бирликтә тарқитишқа мәҗбур қилған.

Өткән йили 31милйон хитай пуқраси чәтәлгә саяһәткә чиққан болуп, мутәхәссисләр, 2020 ‏- йилида саяһәт үчүн чәтәлгә чиқидиған хитай пуқралириниң сани 100 милйон кишигә йетиду дәп мөлчәрлимәктә. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.