Хоңкоңда парламент сайлими өткүзүлди

Хоңкоңниң игилик һоқуқи хитайға қайтуруп берилгәндин кейинки хоңкоң қанун чиқириш палатасиниң 3 - қетимлиқ вәкилләр сайлими йәкшәнбә күни өткүзүлди. Хәлқара мәтбуатлар , бу йилқи сайламдики биләт ташлиғучиларниң омумий сани алдинқи қетимқи сайламға қатнашқучиларниң санидин көп юқирилиқини илгири сүрмәктә.

Күзәткүчиләр , биләт ташлиғучилар саниниң көплики хоңкоңдики демократик күчләр билән бейҗиң мәркизи һөкүмити оттурисидики ихтилап билән мунасивәтлик болиши мумкин дәп қариған . Сайлам нәтиҗиси техи елан қилинмиған болсиму бирақ , демократик күчләр қанун чиқириш палатасидики% 60 орунға игә болушни үмид қилмақта .

Бу қетимқи сайламда хоңкоң бойичә аваз бериш салаһийитигә игә 3 милйон 200 миң адәм биләт ташлайду . Сайламниң нәтиҗиси дүшәнбә күни әтигәндә елан қилиниши мумкин . Бу қетимқи сайлам хоңкоң қанун чиқириш палатасиниң 60 нәпәр вәкилини сайлап чиқилиду . 60 Вәкилниң 30 нәпири биваситә сайлам арқилиқ сайлиниду , қалған 30 нәпири һәр қайси сияси гуруһларниң сайламда еришкән билитигә қарап тәқсим қилиниду . Бу қетимқи сайлам хоңкоң тарихидики риқабәт әң кәскин сайлам болди . Хоңкоң мәтбуатлири бу қетимқи сайламни хоңкоңдики демократик күчләр билән бейҗиңпәрәс күчләр оттурисидики елишиш дәп баһа бәрмәктә . Сайлам нәтиҗиси хоңкоңниң келәрки 4 йиллиқ сияси истиқбалиға тәсир көрситиши мумкин . (Әркин)