Xongkongda parlamént saylimi ötküzüldi


2004.09.12

Xongkongning igilik hoquqi xitaygha qayturup bérilgendin kéyinki xongkong qanun chiqirish palatasining 3 - qétimliq wekiller saylimi yekshenbe küni ötküzüldi. Xelq'ara metbu'atlar , bu yilqi saylamdiki bilet tashlighuchilarning omumiy sani aldinqi qétimqi saylamgha qatnashquchilarning sanidin köp yuqiriliqini ilgiri sürmekte.

Küzetküchiler , bilet tashlighuchilar sanining köpliki xongkongdiki démokratik küchler bilen béyjing merkizi hökümiti otturisidiki ixtilap bilen munasiwetlik bolishi mumkin dep qarighan . Saylam netijisi téxi élan qilinmighan bolsimu biraq , démokratik küchler qanun chiqirish palatasidiki% 60 orun'gha ige bolushni ümid qilmaqta .

Bu qétimqi saylamda xongkong boyiche awaz bérish salahiyitige ige 3 milyon 200 ming adem bilet tashlaydu . Saylamning netijisi düshenbe küni etigende élan qilinishi mumkin . Bu qétimqi saylam xongkong qanun chiqirish palatasining 60 neper wekilini saylap chiqilidu . 60 Wekilning 30 nepiri biwasite saylam arqiliq saylinidu , qalghan 30 nepiri her qaysi siyasi guruhlarning saylamda érishken bilitige qarap teqsim qilinidu . Bu qétimqi saylam xongkong tarixidiki riqabet eng keskin saylam boldi . Xongkong metbu'atliri bu qétimqi saylamni xongkongdiki démokratik küchler bilen béyjingperes küchler otturisidiki élishish dep baha bermekte . Saylam netijisi xongkongning kélerki 4 yilliq siyasi istiqbaligha tesir körsitishi mumkin . (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.