Хоңкоң парламент сайлиминиң нәтиҗиси елан қилинди

Хоңкоң қанун чиқириш палатасиниң 2004 - йиллиқ вәкилләр сайлиминиң нәтиҗиси дүшәнбә күни елан қилинди. Демократчилар хоңкоң парламентидики 60 орунниң 25 ини игилиди. Бу сан уларниң өткән қарардики хоңкоң парламент сайлимида еришкән орнидин үчи көп туриду.

Сайламда бейҗиңпәрәсләр парламентта 30 орунға еришкән. Хоңкоң қанун чиқириш палатасиниң сайлими йәкшәнбә күни өткүзүлгән иди. Парламенттики 60 орунниң 30 и биваситә сайлам арқилиқ, қалғанлири һәр қайси сияси гуруһларниң сайламда еришкән белитигә қарап тәқсим қилинған.

Бу қетимқи сайламниң нәтиҗиси демократчилар үчүн елип ейтқанда көңүлдикидәк болмисиму, бирақ сайламда лияң гошуң қатарлиқ радикал демократик затлар юқири аваз билән сайланған.Лияң гошуң қанун чиқириш палатасиниң әзаси болуп сайланғандин кийин, хитай һөкүмитиниң көзигә қадалған тикән болидиғанлиқини билдүргән. Сайламда буниңдин сирт йәнә, бейҗиң һөкүмити тәрипидин чегридин кириши мәни қилинған хоңкоң демократийә партийисиниң сабиқ рәһбири ли җумиңму утуп чиққан. (Арзу)