Мутәхәссисләр хитай һөкүмитини сәһийә саһәсидә ислаһат елип беришқа үндиди

Хитай сәһийә министирлики йеқинда мәхсус уқтуруш чүшүрүп, мәркизи һөкүмәт , һәрқайси өлкә, шәһәр вә наһийә дәриҗилик орунларда, җиддий башқуруш сәһийә түзүми қуруп чиқиш керәкликини оттуриға қойған.

Шуниң билән бир вақитта, хитай сәһийә министири сәһийә саһәсидики җиддий башқуруш түзүмини йолға қоюш җәрянида , йәнила юқириниң бир туташ башқуруш сияситини иҗра қилиш керәкликини әскәрткән.

Хитай сәһийә министирлики чүшүргән мәзкур уқтуруштин кейин, көплигән анализчи вә мутәхәссисләр хитай һөкүмитини " бир туташ башқуруш системиси"ни йоқ қилип, сәһийә саһәсидә һәқиқий ислаһат елип беришқа үндиди.

Мутәхәссисләр йеқинқи йиллардин буян, хитайниң сәһийә саһәсидә йүз бериватқан һадисиләрни йошуруш әһвали наһайити еғир болуватқанлиқини болупму юқумлуқ кесәлликләрниң тарқилиш әһвали вә муһитниң зор дәриҗидә булғиниш әһвали һәққидики һадисиләрни йошуруш кәйпиятиниң хәлқарада яман тәсир пәйда қиливатқанлиқини тәкитлигән.Лекин хитай һөкүмити та һазирға қәдәр өзиниң бу һәқтики хаталиқини һечқачан етирап қилип бақмиған. (Меһрибан)