Jang dégu'en ottura asiyada muqimsizliq dewrining ayaqlashqanliqini bildürdi

• 
  2006-01-16

Shangxey hemkarliq teshkilatining bash katipi jang dégu'en ottura asiyada turaqsizliq dewrining ötüp ketkenlikini bildürdi.

U 16‏- yanwar küni béyjingda bergen bayanatida, ottura asiyadiki iqtisadiy we siyasiy tereqqiyat rayonning muqimliqqa érishishide muhim rol oynidi dep körsetti. Lékin uning éytishiche, ottura asiya döletliri téxi chiriklik we ishsizliq mesililirini bir terep qilalmighan.

Bayanatida, shangxey hemkarliq teshkilatining kelgüsi wezipiliri üstidimu toxtalghan jang dégu'en, shangxey hemkarliq teshkilati ezaliri kelgüside térrorchiliq, bölgünchilik we diniy esebiylikke qarshi birlikte küresh qilishi kérek dédi.

2050‏- Yilighiche, shangxey hemkarliq teshkilatining dunyaning eng nopuzluq teshkilatlirining birige aylinidighanliqini bildürgen jang dégu'en, lékin, bu teshkilat héchqachan herbiy ittipaq bolmaydu, dep körsetti.

Nurghunlighan gherblik mutexessisler, 1996‏-yili xitay bilen ottura asiya döletliri we rusiye otturisidiki chégra mesililirini hel qilish üchün qurulghan shangxey hemkarliq teshkilatining barghansiri shekil özgertip, nöwette xitay we rusiyining hakimiyitidiki bir teshkilatqa aylan'ghanliqini we xitay hökümitining bu teshkilattin bir tereptin ottura asiyadiki siyasiy we iqtisadiy tesir da'irisni kéngeytish yene bir tereptin Uyghurlarning ottura asiyadiki herikitini basturush üchün paydiliniwatqanliqini bildürmekte. (Qanat)