Xitay déhqanlarni sheherge köchüshke righbetlendürmekte


2005.10.12

Xitay metbu'atida élan qilin'ghan xewerde melum bolushiche, kelgüsi 15 yil ichide az dégende 200 milyondin 300 milyon'ghiche bolghan xitay déhqan köchmenliri xitaydiki her qaysi chong sheherlerge köchüp kélidiken.

Fransiye agéntliqining xewirige qarighanda, xitay sheher bashliqi oyushmisining mes'uli taw silyang, "xitayning sheherlishishi, 21 - esirdiki bir chong pilan. Bu, namratliqni yoqitishtiki bir muhim qedem" dep bildürgen.

Nöwette xitayning sheher nopusi 524 milyon bolup, hazirqi pilan boyiche, her yili 13 milyondin 18 milyon'ghiche kishi sheherge köchüp kiridiken. Shundaqla xitay hökümiti, chet-yaqa rayonlardiki xelqlerning sheherge köchüshini righbetlendürüsh üchün, 1998 -yilidin 2004 -yilighiche bolghan ariliqta sheherlerge 2 tirliyon yü'en meblegh salghan.

Xitayning bu yoldiki tirishchanliqliri xéli ünümlük netije hasil qilghan bolup, sheherlishish nisbiti 1990 -yili 19% bolghan bolsa, 2004 - yiligha kelgende 40% ke ösken.

Nöwette tibet we Uyghur pa'aliyetchiliri, xitayning bu pilani boyiche, xitay teripidin "zémini keng, adimi shalang" dep teswirlinip kelgen Uyghur we tibet rayonlirigha, téximu köp xitay köchmenlirining éqip kélishidin endishe qilmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.