Хитай хәлқ қурултейи "мал - мүлүк қануни" ни мақуллиди

Хитай хәлқ қурултейиниң мәмликәтлик йиғини җүмә күни йепилиштин бурун хитайда узун мәзгилдин бери талаш тартиш қилинип келиватқан " мал-мүлүк қануни"ни мақуллиди. " Мал -мүлүк қануни"да дөләт, колликтип вә шәхсниң мүлүк һоқуқи шундақла башқа игидарчилиқ һоқуқиға игә кишиләрниң мүлүк һоқуқи қанун тәрипидин қоғдилиду. Һәр қандақ орган вә шәхс буниңға таҗавуз қилса болмайду" дәп бәлгиләнгән.

Мәзкур қанун 13 йилдин бери талаш тартиш қилинип кәлгән болуп, бу хитай қанунчилиқ тарихида әң узун талаш - тартиш қилинған қанун болуп һесаблиниду. Бу 13 йил җәрянида мәзкур қанунни ислаһатчилар вә либерал унсурлар изчил қоллап кәлгән болсиму, лекин бу қанун компартийә ичидики мутәәссип күчләр шундақла солқанат маркисизимчи унсурларниң қарши турушиға учриған иди.

Мал - мүлүк қанунини қоллайдиған либирал зиялийлар " мәзкур қанун хитай қанунчилиқ тарихидики абидә" дәп қаримақта һәмдә бу қанун хусусий ширкәтләрни қоғдап, иқтисадий җинайәтләргә қарши туриду шундақла һөкүмәт кадирлириниң башқилар билән тил бириктүрүп, пуқраларниң қора җай вә мал - мүлкини қақти- соқти қилишидин қоғдайду, дәп көрсәтмәктә. Лекин солқанат маркисизимчиларниң әскәртишичә, мал - мүлүк қануни хитай җәмийитидә бай вәкәмбәғәлләр пәрқини техиму чоңайтип, җуңгони капитализм лагириға техиму йеқинлаштуруши мумкин. " Мал - мүлүк һоқуқи қануни" хитай хәлқ қурултийидики зор көп сандики вәкилләрниң қоллап аваз бериши билән мақулланди. (Әркин)