Xitay xelq qurultéyi "mal - mülük qanuni" ni maqullidi


2007.03.16

Xitay xelq qurultéyining memliketlik yighini jüme küni yépilishtin burun xitayda uzun mezgildin béri talash tartish qilinip kéliwatqan " mal-mülük qanuni"ni maqullidi. " Mal -mülük qanuni"da dölet, kolliktip we shexsning mülük hoquqi shundaqla bashqa igidarchiliq hoquqigha ige kishilerning mülük hoquqi qanun teripidin qoghdilidu. Her qandaq organ we shexs buninggha tajawuz qilsa bolmaydu" dep belgilen'gen.

Mezkur qanun 13 yildin béri talash tartish qilinip kelgen bolup, bu xitay qanunchiliq tarixida eng uzun talash - tartish qilin'ghan qanun bolup hésablinidu. Bu 13 yil jeryanida mezkur qanunni islahatchilar we libéral unsurlar izchil qollap kelgen bolsimu, lékin bu qanun kompartiye ichidiki mute'essip küchler shundaqla solqanat markisizimchi unsurlarning qarshi turushigha uchrighan idi.

Mal - mülük qanunini qollaydighan libiral ziyaliylar " mezkur qanun xitay qanunchiliq tarixidiki abide" dep qarimaqta hemde bu qanun xususiy shirketlerni qoghdap, iqtisadiy jinayetlerge qarshi turidu shundaqla hökümet kadirlirining bashqilar bilen til biriktürüp, puqralarning qora jay we mal - mülkini qaqti- soqti qilishidin qoghdaydu, dep körsetmekte. Lékin solqanat markisizimchilarning eskertishiche, mal - mülük qanuni xitay jem'iyitide bay wekembegheller perqini téximu chongaytip, junggoni kapitalizm lagirigha téximu yéqinlashturushi mumkin. " Mal - mülük hoquqi qanuni" xitay xelq qurultiyidiki zor köp sandiki wekillerning qollap awaz bérishi bilen maqullandi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.