Shangxey hemkarliq teshkilati béyjingda yighin achmaqchi


2006.04.24

Xitay xelq gézitining xewer qilishiche, shangxey hemkarliq teshkilatigha eza döletlerning mudapi'e ministirliri mushu hepte béyjingda uchriship, ottura asiyadiki bölgünchilik, térrorchiliq we diniy radikalizm qatarliq mesililerni muhakime qilidiken.

Xewerde éytilishiche, aldimizdiki charshenbe küni ötküzülidighan yéghin'gha qazaqistan, qirghizistan, rusiye, tajikistan, özbékistan we xitay mudapi'e ministirliri qatnishidiken.

1996‏- Yili rusiye we xitayning yitekchilikide qurulghan shangxey hemkarliq teshkilati eza döletler arisidiki chégra mesililirini bir terep qilish hemde tamojna mesililiride asanliq yaritish üchün qurulghan idi. Lékin waqitning ötüshige egiship hemde rusiye bolupmu xitayning bésimi bilen shangxey hemkarliq teshkilatining asasliq nishanidimu jiddiy özgirish peyda boldi. Bügün térrorchiliq, diniy radikalizm we bölgünchilkke qarshi turush bu teshkilatning asasliq meqsitige aylandi.

Siyasiy mulahizichilerning körsitishiche,rusiye bilen xitayning shangxey hemkarliq teshkilatidiki nopuzi künséri artmaqta. Xitay hökümiti Uyghur musteqilchilirining ottura asiyadiki pa'aliyetlirining aldini élish üchün bu teshkilattin xalighiniche paydilanmaqta.

Bezi siyasiy mulahizichiler, shangxey hemkarliq teshkilatining, amérikining rayonda künséri küchiyiwatqan siyasiy we herbiy tesirining aldini élishni meqset qilghan bir teshkilatqa aylinip qalghanliqini bayan qilmaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.