Хитай, ш һ т ға әза болмиған дөләтләр билән болған һәмкарлиқни күчәйтишни тәшәббус қилди


2005.06.16
Share on WhatsApp
Share on WhatsApp

Хитай ташқи ишлар министирлиқи баянатчиси лю җәнчав, 16 - июн мухбирларни күтүвелиш йиғинида сөз қилип "шаңхәй һәмкарлиқ тәшкилати йепиқ тәшкилат әмәс. У мәзкур тәшкилатқа әза болмиған һәр қандақ бир дөләт вә хәлқара тәшкилатлар билән өз - ара һәмкарлишишни халайду" деди.

Шинхуа агентлқиниң хәвиридә көрситилишичә, шаңхәй һәмкарлиқ тәшкилати 7 - айниң башлири қазақистанда тәшкилат рәһбәрлири вә алий дәриҗилик хадимларниң һәр қайси қатламлар бойичә музакирә елип бериш йиғини ачидикән.

Хитай ташқи ишлар министирлиқиниң баянатчиси лю җәнчав йәнә, террорчилиқ, бөлгүнчилик вә радикал күчләргә зәрбә бериш шуниңдәк иқтисадий һәмкарлиқни күчәйтиш шаңхәй һәмкарлиқ тәшкилатини алға бастуруштики муһим түрткә икәнликини билдүрди.

Хитай , русийә, қазақистан , қирғизистан , таҗикистан вә өзбекистан қатарлиқ 6 дөләт 2001 - йили 6 - айниң 15 - күни шаңхәйдә мәзкур тәшкилатни, һөкүмәтләр ара қурулған хәлқара тәшкилат дәп бекитип, әза дөләтләрниң сиясий , иқтисадий, пән - техника, мәдәнийәт, маарип, енергийә, қатнаш муһит қатарлиқ җәһәтләрдики һәмкарлиқини шуниңдәк районниң бихәтәрлики вә муқимлиқини күчәйтиғанлиқи һәққидә алаһидә вәдиләшкән иди.

Уйғур көзәткүчилириниң билдүрүшичә , хитай, шаңхәй һәмкарлиқ тәшкилатиға әза дөләтләр ичидә қазақистан вә қирғизистан билән болған һәмкарлиққа алаһидә әһмийәт бәргән болуп, террорчилиққа зәрбә бериш баһанисида ,бу икки дөләткә қечип чиққан уйғур паалийәтчилириниң хитайға шәртсиз қайтурулуп берилишини қолға кәлтүргән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.