Xitay, sh h t gha eza bolmighan döletler bilen bolghan hemkarliqni kücheytishni teshebbus qildi


2005.06.16
Share on WhatsApp
Share on WhatsApp

Xitay tashqi ishlar ministirliqi bayanatchisi lyu jenchaw, 16 - iyun muxbirlarni kütüwélish yighinida söz qilip "shangxey hemkarliq teshkilati yépiq teshkilat emes. U mezkur teshkilatqa eza bolmighan her qandaq bir dölet we xelq'ara teshkilatlar bilen öz - ara hemkarlishishni xalaydu" dédi.

Shinxu'a agéntlqining xewiride körsitilishiche, shangxey hemkarliq teshkilati 7 - ayning bashliri qazaqistanda teshkilat rehberliri we aliy derijilik xadimlarning her qaysi qatlamlar boyiche muzakire élip bérish yighini achidiken.

Xitay tashqi ishlar ministirliqining bayanatchisi lyu jenchaw yene, térrorchiliq, bölgünchilik we radikal küchlerge zerbe bérish shuningdek iqtisadiy hemkarliqni kücheytish shangxey hemkarliq teshkilatini algha basturushtiki muhim türtke ikenlikini bildürdi.

Xitay , rusiye, qazaqistan , qirghizistan , tajikistan we özbékistan qatarliq 6 dölet 2001 - yili 6 - ayning 15 - küni shangxeyde mezkur teshkilatni, hökümetler ara qurulghan xelq'ara teshkilat dep békitip, eza döletlerning siyasiy , iqtisadiy, pen - téxnika, medeniyet, ma'arip, énérgiye, qatnash muhit qatarliq jehetlerdiki hemkarliqini shuningdek rayonning bixeterliki we muqimliqini kücheytighanliqi heqqide alahide wedileshken idi.

Uyghur közetküchilirining bildürüshiche , xitay, shangxey hemkarliq teshkilatigha eza döletler ichide qazaqistan we qirghizistan bilen bolghan hemkarliqqa alahide ehmiyet bergen bolup, térrorchiliqqa zerbe bérish bahanisida ,bu ikki döletke qéchip chiqqan Uyghur pa'aliyetchilirining xitaygha shertsiz qayturulup bérilishini qolgha keltürgen. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.