Ху җинтав шималий корийидики зияритини ахирлаштурди


2005.10.30
Share on WhatsApp
Share on WhatsApp

Хитай һөкүмити йәкшәнбә күни хитай дөләт рәиси ху җинтавниң шималий корийидики зиярити давамида, шималий корийә рәиси ким җуң ил билән сәмимий сөһбәтләшкәнликини һәмдә униңдин пиландики 5 - қетимлиқ 6 дөләт сөһбитигә қатнишиш вәдисини алғанлиқини билдүрди.

Хитай даирилириниң билдүрүшичә, ху җинтав шималий корийидики 3 күнлүк зияритидә йәнә, шималий корийигә иқтисадий ярдәм беришкә қошулған һәмдә хитай билән шималий корийә оттурисидики сода һәмкарлиқни илгири сүрүшкә дәвәт қилған.

Америка һөкүмити изчил түрдә хитайниң шималий корийә билән болған достлуқ мунасивитидин пайдилинип, шималий корийини ядро программисини тохтитишқа үндишини тәкитләп кәлди.

Лекин ким җуң ил бу йил йәнә бир қетим шималий корийиниң ядро қораллириға игә икәнликини билдүрди. Гәрчә анализчилар буниң техи испатланмиғанлиқини, лекин шималий корийиниң һәқиқәтән ядро қораллирини тәрәққий қилдуриватқан болиши мумкинликини билдүрмәктә.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.