Teywen xelqperwerler partiyisining rehbiri song chuyü béyjinggha keldi


2005.05.10
Share on WhatsApp
Share on WhatsApp

Teywen xelqperwerler partiyisining re'isi song chuyü, seyshenbe küni xitay chong qururluqidiki "köwrük sélish" ziyaritining eng axirqi we shundaqla eng muhim békiti béyjinggha keldi.

Song chuyü béyjing ayroromida élan qilghan bayanatida, ikki qirghaq xelqining ortaq eqil parasiti arqiliq teywen boghuzidiki turghunluqqa xatime bérishke chaqirdi. Song chuyü, ziyaritining ikki qirghaq otturisida ötmüshtiki uqushmasliqlargha xatime bérishke yardimi tégishini ümid qilghan. U mundaq deydu: " ikki qirghaqtikiler hemmimiz yen – xu'ang ewladi. Qandaq mesile bolsa biz jonggoluq yen – xu'ang ewladliri, ötmüshitiki köngülsizliklerni tinch yollar bilen hel qilishimiz kérek."

Song chuyü, xitay dölet re'isi xu jintaw bilen peyshenbe küni uchrushidiken. U, xitay chong quruqluqidiki ziyaritining tunji békiti shi'ende, teywen musteqilliqigha qarshi turidighanliqini jakarlighan idi.

Bu arida teywen prézidénti chén shüybyen, öktichi partiyining hökümetke wekillik qilmaydighanliqini bildürgen. Chén shüybyen mundaq deydu: " teywen bilen xitay chong quruqluqi arisidiki ixtilap peqet hökümetler otturisidiki söhbet arqiliqla hel bolidu. Bu yerdiki tengtushlar ikki döletning rehberliri. 23 Milyon teywen xelqi teywenning kélechigini belgileydu... Fédératsiye yaki musteqilliq buning ichidiki tallash yolliri," dep körsetti.

Song chuyü seyshenbe küni béyjing sheher bashliqi wang chishen we partkom sékritari lyu chilar bilen söhbet élip barghan. U, charshenbe küni chingxu'a uniwérsitétidiki oqughuchilargha söz qilidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet