Сичүән өлкисидики пубугов су амбири қурулуши вақтинчә тохтутулди


2004.11.09

Америка бирләшмә агентлиқиниң хәвәр қилишичә, хитай һөкүмити хәлқниң наразилиқи түпәйлидин сичүвән өлкисидики пубугов су амбири қурулушини тохтатти. Йиқинда мәзкур су амбири қурулуши сәвәбидин йәр-земинлири вә өйлиридин айирилған райондики үч йеза хәлқи наразилиқ намайиши өткүзгән.

Хоң коң мәтбуатиниң хәвәр қилишичә, намайишларға 50000 киши қатнашқан болуп, 27 - өктәбир күни өткүзүлгән намайиш җәрянида бир намайишчи сақчилар тәрипидин уруп өлтүрүлгән иди.

Америка бирләшмә агентлиқиниң пубугов су амбири қурулуши мәсуллириниң сөзлирини нәқил кәлтүрүшичә, су амбиридики қурулуш иши намайиш күни пүтүнләй тохтитилған болуп, һөкүмәт әмәлдарлири район хәлқиниң наразилиқ вә шикайәтлирини тәкшүрмәктә. Уларниң ейтишичә, райондики йеза хәлқи билән болған ихтилаплар биртәрәп қилинмиғичә су амбири қурулуш иши башланмайдикән.

Су амбри қурулуш иши түпәйлидин йәр-земин вә өй-маканлиридин айирилған райондики үч йеза хәлқи һөкүмәтниң уларға бәргән төләм пулиниң наһайити аз икәнликини вә бу пулниң йиңи бир һаят қуруш үчүн йәтмәйдиғанлиқини билдүрмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.