Xitay hökümiti amérikigha siyasi mehbuslar tizimlikini tapshurdi


2005.02.07
Share on WhatsApp
Share on WhatsApp

Xitay hökümiti amérika da'irilirige xitay türmisidiki bir türküm siyasi mehbuslar tizimlikini tapshurghan. Kishilik hoquq teshkilatliri xitay da'irilirining herikitige ijabiy baha bermekte.

Amérika kéler ayda chaqirilidighan jenwe kishilik hoquq yighinida xitayni tenqid qilish yaki qolmasliqni oylishiwatqan bir chaghda, xitay hökümiti amérikigha 51 kishilik siyasi mehbuslar tizimlikini tapshurghan. Tizimliktiki mehbuslarning beziliri jaza mudditi qisqartilghanlar, yene beziliri qoyup bérishni oylishiwatqanlar iken.

"Washin'gton pochta géziti" ning merkizi san-fransisko diki "söhbet fondi jem'iyiti" ning sözini neqil keltürüshiche, xitay hökümiti siyasi mehbuslar tizimlikini amérika tashqi ishlar ministirliqining bir wekiller ömiki ötken hepte béyjingni ziyaret qilghanda amérika terepke tapshurghan.

Amérika hökümiti xitayni kishilik hoquqni yaxshilash toghrisidiki wedisige wapa qilmidi, dep tenqid qilmaqta. Xitayning siyasi mehbuslar tizimlikidiki kishilerning on nechchisi tibetler iken. ” washin'gton pochta géziti“, tizimliktiki bezi mehbuslarning hazirghiche tashqiy dunyagha tonulmighan kishiler ikenlikini bildürdi. San- fransiskodiki " söhbet fondi jem'iyiti" ning bashliqi jon kam, xitay hökümitining herikitini " zor ilgirlesh,"dep maxtighan. Amma merkizi myunxéndiki dunya Uyghur qurultiyining bayanatchisi dilshat rishit, eger kishiler sherqiy türkistanda siyasi seweplerdin qolgha élinmisa shundaqla yuqiriqi seweplerdin qolgha élin'ghanlar qoyup bérilse, bu ‘ heqiqi ilgirlesh" bolidu, dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.