Yawropa birliki xitay toqumichiliq mehsulatlirigha étibar bérish tüzümini emeldin qaldurmaqchi


2004-10-20
Share

Yawropa birliki komitéti charshenbe küni kembeghel döletlerning mallirigha étibar bérish tüzümige islahat kirgüzüp, xitay toqumichiliq mehsulati we kiyim-kécheklirige étibar bérish siyasitini -2006 yili birinchi aydin bashlap emeldin qalduridighanliqini jakarlidi.

Roytérs axbarat agéntliqining xewirige qarighanda, yawropa birlikining soda komissari paskal lemiy ( Pascal Lamy) charshenbe künidiki muxbirlarni kütiwélish yighinida, xitayning paxta maykilirini öz ichige alghan toqumichiliq mehsulatlirigha bolghan bajni -2006 yildin bashlap 3% ashuridighanliqini bildürdi.

Lemiy sözide yene, bu % 3 xitaygha anche chong tesir körsetmisimu, emma bén'gal, pakistan we hindistan'gha oxshash döletlerning toqumichiliq mehsulati ékisportigha qolayliq yaritip béridighanliqini ilgiri sürdi.

Xitayning erzan toqumichiliq mallirining xelq'ara soda bazirigha türkümlep éqip kirishi, amérika we yawropa döletlirining toqumichiliq sahesige selbiy tesir körsütüshtin sirt, bén'gal we srilanka qatarliq bir munche kembeghel döletlerni riqabetlishishke imkansiz qilip qoyghan idi.

Yawropa birlikining kembeghel döletlerge étibar bérish tüzümige 10 yilda bir tüzütüsh kirgüzilidighan bolup, nöwettiki tüzüm -2005yili yil axirida toshidu. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet