Yaponiye bilen xitay taqim arallar mesilisi boyiche söhbet ötküzdi


2005-09-30
Share

Xitay bilen yaponiye jüme küni tokyoda söhbet ötküzüp, sherqiy déngizdiki igilik hoquq talash- tartish qiliniwatqan taqim arallar mesilisini muzakire qildi. Yighinda yaponiye xitaylarning talash - tartishtiki rayonlarda tebi'iy gaz qézishni toxtitishini telep qilghan shundaqla xitayning rayonda élip bériwatqan néfit qédirish pa'aliyitige da'ir uchurlarni ashkarilashni otturigha qoydi.

Yaponiye da'irilirining eskertishiche, eger xitaylar uchur bilen teminleshni ret qilsa, xitaydin rayonda néfit qédirish we qézish pa'aliyiti élip bérishni toxtitishqa chaqiridiken. Yaponiye xitayning yaponiyige tewe rayonlardiki déngiz asti néfitini tartip kétishidin ensirimekte.

Yighin bashlinishtin ilgiri yaponiye bash ministiri koyzumi, sherqiy déngizdiki néfitlikni xitay bilen hemkarliship échishni oylishishqa bolidu, dep tekitligen. Emma xitay hökümiti yaponiye terep tekitligen déngiz chégrisini étirap qilishni ret qilmaqta.

Xitay tashqi ishlar ministirliki peyshenbe küni xitayning talash tartishtiki rayonlarda zapas kéme etriti qurghanliqini élan qildi.

Yaponiye metbu'atlirining xewer qilishiche, yaponiye iqtisad ministiri yaponiye qoghdinish qisimlirining talash tartishtiki rayonda charlash élip bérishigha yol qoyush toghrisida qanun chiqirishni telep qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet