Béyjing bilen xongkong démokratliri arisida élip bérilghan söhbet netijisiz axirlashti

Béyjing da'iriliri bilen xongkong démokratliri otturisida peyshenbe küni shinjénda élip bérilghan söhbet netijisiz axirlashti. Xongkong parlaméntining öktichi ezaliri jüme küni xitay da'irilirining xongkongda omumi saylam élip bérish waqit jediwili telep qilish pilanidin waz kéchip, asasi qanun krizisi kélip chiqishtin saqlinish toghrisidiki telipini ret qildi.

Xongkong parlaméntidiki démokratik küchler, xitay xelq qurultiyining mu'awin bash katipi chyaw shyawyangning telipi bilen , yekshenbe küni ötküzilidighan namayishni toxtutalmaydu, dep körsetmekte. Xongkong parlamént ezaliri peyshenbe küni shinjénda chyaw shyawyang qatarliq xitay emeldarliri bilen 2 sa'et söhbet élip bardi.

Chyaw shyawyang, xongkong parlamént ezaliridin omumi saylam waqit jediwili belgilesh telipidin waz kéchishni telep qilghan. Xongkong parlaméntining démokratik ezasi yong sum, " bu qétimqi söhbettin nahayiti ümitsizlenduq " deydu. Yongning eskertishiche, chyaw shyawyang xongkong wekilliridin hökümetning islahat pilanini qobul qilishni telep qilghan. Parlamént ezasi émili law, bu qétimqi söhbetni " chyaw shyawyangning waqit israpchiliqi " dep teriplidi. Xongkong démokratliri yekshenbe küni nechche on ming kishilik namayish ötküzüshke teyyarlanmaqta. (Erkin)