Чең шяңни сотлаш тамамланди, лекин сот һөкүми елан қилинмиди


2006-08-16
Share

Сингапор " боғаз вақти" гезитиниң хоңкоңдики мухбири чең шяңниң соти сәйшәнбә күни бейҗиң шәһәрлик 2 - оттура хәлқ сот мәһкимисидә тамамланди. Лекин сот мәһкимиси чең шяң үстидин чиқарған һөкүмини елан қилмиған.

Җуңго һөкүмити чең шяңни тәйвәнгә җасуслуқ қилған, дәп әйиблимәктә. У, 2005 - йили 4 - айда гуаңҗуда җуңго компартийисиниң сабиқ рәһбири җав зияңға даир бир материялни тапшурувалмақчи болғанда қолға елинған иди.

Җуңго даирилири чең шяң дилосиниң тәпсилий әһвали вә униң сотлиниш җәрянини һазирғичә мәхпи тутуп кәлди. Лекин чең шяң тәйвәнгә җасуслуқ қилғанлиқини рәт қилмақта. Чен шяң дилосиға четилип қалған җуңго иҗтимаий пәнләр акадимийисиниң тәтқиқатчиси лу җйәнхуа, дөләт мәхпийәтликини ашкарилаш җинайити билән әйиблинип чаршәнбә күни бейҗиң шәһәрлик 2 - оттура сот мәһкимисидә сотлинишқа башлиди. Сот мәһкимиси сотниң йепиқ елип берилидиғанлиқини баһанә қилип, лу җйәнхуаниң аялиниң сотқа қатнишишини рәт қилған.

Чегрисиз мухбирлар тәшкилати чаршәнбә күни баянат елан қилип, җуңго даирилириниң чең шяңни сотлиғанлиқини әйиблиди. Баянатта, чең шяң үстидин " җинайәтчи, дәп һөкүм елан қилиш һәргиз қобул қилинмайду " дәп тәкитлигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт