Chéng shyangni sotlash tamamlandi, lékin sot hökümi élan qilinmidi


2006-08-16
Share

Sin'gapor " boghaz waqti" gézitining xongkongdiki muxbiri chéng shyangning soti seyshenbe küni béyjing sheherlik 2 - ottura xelq sot mehkimiside tamamlandi. Lékin sot mehkimisi chéng shyang üstidin chiqarghan hökümini élan qilmighan.

Junggo hökümiti chéng shyangni teywen'ge jasusluq qilghan, dep eyiblimekte. U, 2005 - yili 4 - ayda gu'angjuda junggo kompartiyisining sabiq rehbiri jaw ziyanggha da'ir bir matériyalni tapshuruwalmaqchi bolghanda qolgha élin'ghan idi.

Junggo da'iriliri chéng shyang dilosining tepsiliy ehwali we uning sotlinish jeryanini hazirghiche mexpi tutup keldi. Lékin chéng shyang teywen'ge jasusluq qilghanliqini ret qilmaqta. Chén shyang dilosigha chétilip qalghan junggo ijtima'iy penler akadimiyisining tetqiqatchisi lu jyenxu'a, dölet mexpiyetlikini ashkarilash jinayiti bilen eyiblinip charshenbe küni béyjing sheherlik 2 - ottura sot mehkimiside sotlinishqa bashlidi. Sot mehkimisi sotning yépiq élip bérilidighanliqini bahane qilip, lu jyenxu'aning ayalining sotqa qatnishishini ret qilghan.

Chégrisiz muxbirlar teshkilati charshenbe küni bayanat élan qilip, junggo da'irilirining chéng shyangni sotlighanliqini eyiblidi. Bayanatta, chéng shyang üstidin " jinayetchi, dep höküm élan qilish hergiz qobul qilinmaydu " dep tekitligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet