Shénjén shehiride besh neper sotchi qolgha élin'ghan

'Birleshme agéntliqi'ning shangxeydin xewer qilishiche, yéqinda xitayning jenub teripidiki shénjén shehiride besh neper sotchi chiriklik bilen eyiblinip qolgha élin'ghan. Buning biri shénjén ottura derijilik xelq sotining mu'awin bashliqi we bash sotchisi péy xungchu'en ependi. Qalghan üchimu sot mehkime bashliqliri, birsi pénsiyige chiqqan sotchi. Yerlik gézitlerdiki xewerlerde hazir buningdin bashqa yene, jinayet xaraktéri mushuninggha oxshaydighan 20 neper sotchining chiriklik mesilisi pash qilinmaqta.

Xewerde bayan qilinishiche, xitaydiki chiriklikke qarshi organning agéntliri qolgha élin'ghan sotchi péy ependining öyidin 27 milyon yu'en neq pulni tépip chiqqan. Péy ependi bu nex pullarni öyidiki tonglatqu, hawa tengshigüch, altun béliq baqidighan eynek kölchek qatarliqlarning tégige we teretxanigha yoshurghan iken. Buyil 6 ‏-ayda pash qilin'ghan bir matériyalda, mezku rsheherdiki gumran bolghan shirketler üstide höküm chiqiridighan bir sot mehkimisining bashliqi jang tingxu'a qolgha élin'ghanda, uning aptomobilining ichige yoshurghan neq pulning ichide amérika dollirining sanila bir nechche yüz ming dollargha yetkenliki bayan qilin'ghan idi. (Weli)