Хитайда 110 шәһәр су кәмчиллик апитигә учримақта


2004.12.28

Хитайдики 669 шәһәр ичидә 400 шәһәрдә су билән тәминләш яхши елип берилмиған болуп, бу хитайдики٪ 60 шәһәрниң су билән яхши тәминлинәлмәйватқанлиқини көрситидикән.

Хитай мәтбуатлири, су ишлири министириниң сөзини нәқил кәлтүрүп, хитайдики аһалиси бир милйондин ашидиған 30 шәһәрниң узун муддәттин бери судин яхши тәминлинәлмәйватқанлиқини, буниңдин 30 милйон аһалиниң узун муддәт су кәмчиллик апитигә дуч кәлгәнликтәк хуласини чиқиришқа болидиғанлиқини билдүргән, мәзкур министирниң ейтишичә йәнә, хитайда 300 милйон адәм өлчәмгә тошмиған паскина су истимал қилидикән.

Шинхуа агентлиқиниң бу һәқтә бәргән хәвиригә асасланғандиму, хитайниң оттура, шәрқ вә ғәрбий районлирида 60 милйон деһқан паскина су истимал қилғанлиқтин һәр түрлүк җидди кесәлләргә гириптар болған.

Мәлуматларға қариғанда 2030 - йили хитайниң аһалиси 1 милярд 600 милйонға йетип, су ишлитиш миқдари 700 милярдтин 800 милярд куп метирғичә болидикән.

Хитай су ишлири министири бу һәқтә агаһландуруш берип, әгәр су енергийә мәнбәлири яхши қоғдалмиса, хитайниң кәлгүсидә сусизлиқ тәһдитигә учрайдиғанлиқини тәкитлимәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.