Xitayda 110 sheher su kemchillik apitige uchrimaqta


2004.12.28
Share on WhatsApp
Share on WhatsApp

Xitaydiki 669 sheher ichide 400 sheherde su bilen teminlesh yaxshi élip bérilmighan bolup, bu xitaydiki٪ 60 sheherning su bilen yaxshi teminlinelmeywatqanliqini körsitidiken.

Xitay metbu'atliri, su ishliri ministirining sözini neqil keltürüp, xitaydiki ahalisi bir milyondin ashidighan 30 sheherning uzun muddettin béri sudin yaxshi teminlinelmeywatqanliqini, buningdin 30 milyon ahalining uzun muddet su kemchillik apitige duch kelgenliktek xulasini chiqirishqa bolidighanliqini bildürgen, mezkur ministirning éytishiche yene, xitayda 300 milyon adem ölchemge toshmighan paskina su istimal qilidiken.

Shinxu'a agéntliqining bu heqte bergen xewirige asaslan'ghandimu, xitayning ottura, sherq we gherbiy rayonlirida 60 milyon déhqan paskina su istimal qilghanliqtin her türlük jiddi késellerge giriptar bolghan.

Melumatlargha qarighanda 2030 - yili xitayning ahalisi 1 milyard 600 milyon'gha yétip, su ishlitish miqdari 700 milyardtin 800 milyard kup métirghiche bolidiken.

Xitay su ishliri ministiri bu heqte agahlandurush bérip, eger su énérgiye menbeliri yaxshi qoghdalmisa, xitayning kelgüside susizliq tehditige uchraydighanliqini tekitlimekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.