Rusiye xitaydiki su bulghinishi sewebidin 10 ming ahalisining süyini toxtatti


2005.12.21

Rusiye da'iriliri, xitayda bulghan'ghan derya süyining rusiye téritoriyisidiki amur deryasigha éqip kirishi sewebidin, charshenbe küni xabarowiskidiki 10 ming ahalining su teminatini toxtatti. Lékin hökümet da'iriliri yene, xaboriwiskidiki barliq 580 ming ahalini turuba sulirini ishletmeslikke agahlandurdi.

Amérika birleshme agéntliqining xewirige qarighanda, bulghan'ghan suning da'irisi'i 180 kilométir uzunluqta bolup, buning xabarowiski rayonidin ötüp bolushigha az dégende 4 kündin bir heptigiche waqit kétidiken.

13‏- Noyabir küni xitayning sherqiy shimalidiki jilin néfit-ximiye zawutida partlash yüz bérip, texminen 100 ming tonna zeherlik bénzin sungxu'ajyang deryasigha qoyulup ketken idi. Bu derya rusiyide amur deryasigha qoyulghachqa, zeherlik bulghan'ghan su rusiyining yiraq sherqtiki xabarowski rayonida yashaydighan ahalilerge tehdit élip keldi.

Nöwette xabarowskidiki ahaliler nöldin töwen 20 séltsiy gradus soghaqta, talagha chiqip botulkiliq sularni élip kélishke mejbur bolmaqta. Bu arida xitayning gu'angdung ölkisidiki bir sink tawlash zawuti qalduq paskina sularni béyjyang deryasigha qoyup bergenliktin, suning bulghinish derijisi 10 hesse éghirlap ketken. Shu sewebtin xitay da'iriliri charshenbe küni béyjyang deryasining süyige tayinidighan etraptiki ahalilerni turuba süyini ichmeslikke agahlandurdi hemde bu zawutni ishlepchiqirishtin toxtatti. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.