Бирләшкән дөләтләр тәшкилати хитайдики булғанған су мәсилисиниң интайин еғир икәнликини көрсәтти


2006.11.14
Share on WhatsApp
Share on WhatsApp

Сәйшәнбә күни, бирләшкән дөләтләр тәшкилатиниң бейҗиңда турушлуқ вәкили әлесанчуа тисот аләссандра тисот ахбарат елан қилиш йиғинида хитайдики булғанған су мәсилиси һәққидә тохтилип, " хитайда һазир булғанған суниң даириси барғансери кеңийип, әһвал наһайити еғир һаләткә йәтти, шундақла һазир хитайда су һәдидин көп ишлитилгәнликтин, дәря ‏- еқинларниң көп сандикиси қуруп кәтти" дәп билдүрди.

У сөзидә йәнә "һазир хитайда иқтисадниң тәрәққи қилиши билән, йеза игилик вә санаәт саһасидики ишләпчиқиришта, зор риқабәтлишишләр йүз бәрмәктә. Бу хил әһвал суниң булғиниш һалитини яхшилаш әмәс бәлки техиму еғирлаштуривәткән" деди.

Бирләшкән дөләтләр тәшкилатиниң бейҗиңда турушлуқ вәкили әлесанчуа тисот аләссандра тисот мәзкур йиғинда йәнә"гәрчә хитай һазир муһитниң булғиниш дәриҗисиниң интайин еғир икәнликини чүшинип йәткән болсиму, йәрлик һөкүмәтләргә муһитни асраш мәсилисидә йетәрлик чарә -тәдбирләр қолланмиған вә бесим ишләтмигән" дәп хитай һөкүмитини әйиблигән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.