Хитайда 10 милйон адәм қәһәтчиликтә қалидикән


2007.03.26
Share on WhatsApp
Share on WhatsApp

Франсийә агентлиқиниң 26 ‏- март бейҗиңдин бәргән хәвиригә қариғанда, хитайниң җәнуби вә ғәрбий җәнубидики 10 милйондәк аһалә ичимлик су йетишмәслик һадисисигә дуч келидикән.

Хитай һөкүмәт мәтбуатлириниң мәлуматида ашкарилинишичә, бу йиллиқ ямғур миқдариниң төвән болуши сәвәблик, хитайда 9.8 Милйон адәм вә 9.1 Милйон мал-чарва су қәһәтчиликиниң тәсиригә учрайдикән.

Хитайниң сичү|ән, гуйҗу, хунән, йүннән, хәйнән, гуаңши, қатарлиқ өлкә районлирида, бу йил баһардики ямғур миқдари интайин төвән вә температура дәриҗидин ташқири юқири болған.

Чаңҗяң дәрясиниң су йүзи тарихтики әң төвән чәккә чүшүп қалған, шуниң билән сәншя (уч боғуз) боғузиниң ток чиқириш иқтидари һәққидә әндишиләр пәйда болушқа башлиған.

Хитайда өткән йилму ғәрбий җәнубтики қурғақчилиқ апитигә охшаш бирқатар җиддий һава өзгиришлири болған болуп, хитайдики нопузлуқ метрологист буларни һава килмат өзгириши кәлтүрүп чиқарған дәп қаримақта.

Чаңҗяң дәряси сәншя боғузиға қуюлатти. Тосма тамамланғандин кийин бу районлардики аһалә көчүрүлгән вә нурғунлири уйғур елигә җайлаштурулған иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.